終於有覺好瞓!

2020/9/28

相信大家都想每晚都瞓得好!不妨趁機調教吓生理時鐘,養成健康嘅睡眠習慣,幫自己提升免疫力同改善整體健康。

呢啲習慣有助改善您嘅睡眠質素:

  • 經常運動 – 研究發現每星期做150分鐘中至強度帶氧運動唔止日間會精神啲,連夜晚都會好瞓 啲。記住繼續MOVE,不過臨瞓前3個鐘頭就最好避免做劇烈運動。
  • 輕便晚餐 – 晚餐如果太豐富,好易引致消化不良,臨瞓前三個鐘頭最好唔好食嘢。萬一肚餓嘅話,就揀啲食咗會好瞓啲嘅小食,例如:奶類製品或者杏仁。
  • 嚴選飲品– 最緊要補充足夠水分,飲唔夠水會渴醒但臨瞓飲得太多又可能要起身去洗手間。要了解自己嘅體質,夜晚盡量唔好飲茶或者咖啡呢類提神嘅刺激性飲品。
  • 留意遮光–人嘅腦部喺黑暗嘅環境會指示身體釋放褪黑素,一種令人覺得眼瞓嘅荷爾蒙,所以用厚窗簾、遮光布或者帶眼罩會好瞓啲。藍光會妨礙身體製造褪黑素,電視、電腦、手機呢啲會釋出藍光嘅電子產品最好咪帶入睡房。
  • 調教生理時鐘 – 每日差唔多同樣時間瞓覺同起身(唔理閒日定周末!)有助調教您嘅生理時鐘,等身體習慣喺適當時候瞓覺。

 

資料來源:

http://healthysleep.med.harvard.edu/healthy/getting/overcoming/tips

https://www.mayoclinic.org/healthy-lifestyle/adult-health/in-depth/sleep/art-20048379