健康早餐
2020/4/8
每朝食個營養均衡嘅靚早餐有好多好處，除咗感覺充滿活力同頭腦清晰，您仲會因為食慾受控而唔會亂食零食！
早餐想食得健康有咩要注意？
- 提前準備 – 提前備餐時預埋早餐，您就可以避免返工途中因為趕時間而隨便買高糖又油膩嘅飽點或者酥餅做早餐。
- 選定一款主食 – 揀定一款每朝必食嘅主打就可以慳返啲時間唔使慢慢諗食乜。鍾情乾果穀麥片？用個三文治袋袋好就可以帶返工。喜歡雞蛋？隨便烚幾隻蛋就行得。
- 蛋白質、優質脂肪同纖維 – 呢個組合係健康早餐嘅鐵三角，有助補充能量、滿足食慾同幫助消化。舉個例，牛油果、果仁、雞蛋、燕麥同蔬菜一齊食就係一個營養均衡嘅靚早餐，比其他高糖分嘅選擇健康得多。
快啲試下邊款組合最適合您。花越少時間諗食咩早餐，您就可以越專注實踐您嘅健身大計啦！
資料來源：
https://www.livestrong.com/article/280357-ideas-for-a-healthy-balanced-breakfast/