打風都打唔甩？
2020/9/10
天文臺預測香港今年會有5至8個颱風。怕橫風橫雨做唔到運動？一齊諗定留守室內嘅日子點MOVE好。
以下呢啲活動可以幫您喺室內儲多啲步數：
- 原地踏步／跑步 – 打風留喺屋企睇自己最鍾意嘅電視節目或者風暴消息嗰陣可以原地踏步keep 住MOVE。用個穩陣嘅腳踏或者一張實淨嘅凳仔上落踏步又得。
- 舉重 – 屋企無啞鈴都唔緊要喎，可以加水入樽裡面自製啱自己重量嘅啞鈴，用嚟練手臂、膊頭同背肌。
- 伸展 – 瑜伽同普拉提呢類伸展運動可以增加筋骨同肌肉嘅彈性。唔記得正確動作？上網揾啲示範片段睇下就一清二楚。
- 跳舞 – 開住音樂跳舞，好玩之餘又可以鍛鍊心肺功能。趁喺屋企唔使顧儀態，即管盡情跳餐飽！
- 打掃 – 難得放多日假，做下吸塵抹地呢啲集家務同健體於一身嘅”運動”，可以一動兩得。
資料來源：
https://www.webmd.com/fitness-exercise/guide/home-gym-ideas#2