趁春末夏初走出戶外

氣溫反覆向上兼日照時間長咗，最好趁天氣仲未太熱之前走出戶外儲多啲步數。無論您選擇行山、踩單車、緩跑、攀石或者其他活動，外出前都要做足以下呢啲準備：

• 洋蔥式著衫法 – 呢個季節嘅溫差可大可小，幾層薄衫嘅洋蔥式著法唔怕冷親之餘熱起嚟又可以除，靈活多變。
• 著啱鞋 – 多雨同潮濕嘅日子著對防滑兼跣水嘅鞋，可以避免跌傷同濕腳。
• 搽防曬 – 出外除咗要戴太陽眼鏡同帽之外，仲要記得搽潤膚霜同SPF15或以上，可以同時擋UVA同UVB嘅防曬用品。
• 噴蚊怕水 – 氣溫上升蚊蟲開始活躍，要做好預防措施至可以好好享受戶外活動嘅樂趣。
• 常備雨具 – 陰晴不定嘅日子都係帶定把遮或者雨褸最穩陣。

一齊做足準備，令您嘅一步一動更輕快！