健心有法
2020/7/6
高血壓係大部分心血管病嘅元兇。想保持血壓正常可以參考呢啲貼士調節吓日常生活：
- 做適量運動 – 郁多啲，避免長時間坐。每星期做兩個半鐘頭急行或者踩單車呢類中強度運動，血壓有機會降低。
- 保持健康體重 – 控制體重同埋腰圍對血壓有調節作用。理想嘅身高體重指數（BMI）係18.5至22.9之間，亞洲男士同女士嘅腰圍最好分別維持喺90cm 同80cm以下。
- 飲食均衡 – 食多啲鮮果同蔬菜，配合適量嘅魚、瘦肉、全穀類、果仁同低脂／脫脂奶類製品。
- 減少食鹽 – 每日食唔超過1茶羹鹽（約2克）有助預防高血壓。
- 管理壓力 – 要有充足睡眠同抽時間做啲自己鐘意嘅活動減壓，好似瑜伽、冥想、畫畫、烹飪又或者做義工。
- 戒煙 – 每食一支煙您嘅血壓就會上升兼且無咁快回落。戒煙可以減低患心臟病同中風嘅風險。
- 飲酒適可而止 – 酒精會令血壓上升同影響血壓藥嘅效力，記得每日唔好飲多過一杯（啤酒12安士／餐酒5安士）。
資料來源：